Wuběr rěčow:

Šěrakec swjaty křiž

Foto: 2008 B. Kowar

Mócnje rozrosćeny kerk sněženca (Schneebeere) zakrywa skoro přejara wulki a wuměłscy dypany kamjentny swjaty křiž Jana Šěraka čo. 25. Mnohosć něžnych kwětkow dawa dobru pastwu pilnym brunčatym pčołkam. Na wuměłscy dźěłanym železnym křižu wisa pozłoćany corpus. Postawje swj. Marije a swj. Jana stej dalša deba krasneho pomnika. Kamjen je jara wuměłscy dypany. Monstranca a wjele złota dawa křižej hódny raz. Deleka dypane P. D. mi njemóže młody wobsedźer wułožić. 1878 je postajeny. Z boka čitamy M. Š. (Michał Šěrak) pon. 1935. Taflička ze serbskim napismom njeje wučitanju.

žórło: Mikławš Kokla ze Sernjan, "Swjate křiže w serbskim kraju", wozjewjene w Katolskim Posole 1968

Zapisk do pomnikoškitneje lisćiny 2001

  • stołp: kowany křiž na granitnym podstawku, korpus ze železom zawjazany
  • datěrowanje: 1878

přełožk z němčiny: radyserb

Wudospołnjenje z lěta 2008 

Křiž bu před dlěšim časom hišće raz ponowjeny, ale mjeztym lědma hišće wučitaš hrónčko: Chrystus je dobył, haleluja! Ležownosć je přewzała swójba z Drježdźan. Wo porjad so Glöcknerecy staraja.

Adresa / Anschrift

Miłočanska žaba z.t. / Steinerner Frosch Miltitz e.V.
Wjesna dróha 3 / Dorfstraße 3
01920 Miłoćicy / Miltitz
Internet: https://žaba.de / https://frosch-ev.de

Kontakt

Telefon: 035796 96563
E-Mail: info[at]žaba.de
E-Mail: info[at]frosch-ev.de

Naše zaměry / Unsere Ziele

Za wjes, zhromadnosć a serbstwo.
Für Dorf, Gemeinschaft, Sprache, Kultur und Brauchtum.