Wuběr rěčow:

Rynčec/Šołćic swjaty křiž

Foto: 2008 B. Kowar

Cyle blisko při wjesnym puću steji před žiwnosću Marje Šołćineje čo. 10 jednory kamjentny křiž. Pozłoćany corpus wisa na železnym křižu. Zwěsćić so njedataj dypanej pismikaj P.F. z lětom 1832. "O Jězu, kiž sy ćerpjeł za nas, hladaj z miłym wóčkom na nas, daj přewinyć nam spytowanja", čitaja nimoducy. Křiž steješe zwoprědka na druhej stronje puća. W křiwicy měješe so puć powjetšić a tak přestaji 1933 Jan Rjenč křiž na swoje. Wot toho časa so Rjenčec – Šołćic wo cuzy křiž staraja, posledni raz ponowichu jón 1957. Stari ludźo měnja, zo je to Hetašec křiž. Hetašec bydlachu napřećo Rynčecom, dźensa je swójba wotemrěła.

žórło: Mikławš Kokla ze Sernjan, "Swjate křiže w serbskim kraju", wozjewjene w Katolskim Posole 1968

Zapisk do pomnikoškitneje lisćiny 2001

  • stołp: kowany křiž na granitnym podstawku, pozłoćany korpus
  • datěrowanje: 1832

přełožk z němčiny: radyserb

Wudospołnjenje z lěta 2008 

Bjarnat Šołta da křiž 1996 ponowić (B.Š. 1996) a hrónčko na tafličce je dale te same. Wokoło křiža je rjany drjewjany płoćik a w zahrodce kćěja kwětki, wo kotrež so Marja Šołćina stara.

Adresa / Anschrift

Miłočanska žaba z.t. / Steinerner Frosch Miltitz e.V.
Wjesna dróha 3 / Dorfstraße 3
01920 Miłoćicy / Miltitz
Internet: https://žaba.de / https://frosch-ev.de

Kontakt

Telefon: 035796 96563
E-Mail: info[at]žaba.de
E-Mail: info[at]frosch-ev.de

Naše zaměry / Unsere Ziele

Za wjes, zhromadnosć a serbstwo.
Für Dorf, Gemeinschaft, Sprache, Kultur und Brauchtum.